የጥምር ማህበረሰብ አስተባባሪ

                              የአማራ ስብስቦች ጣምራ አሰራር  ማስተባበሪያ የስራ ክፍል መግቢያ
ጣምራ የማህበራትና የማህበረሰብ ስብስቦች ግንባር(Coalition ) ለመመስረት ምክንያት ወይንም ነባራዊ ሁኔታ የሚፈጠረው ግለሰቦች የፖለቲካ ስብስቦችና ህጋዊ ሰውነት ያላቸው ማህበራት ለጋራ ግብ በተወሰነ ህብረት ለመስራት መስማማት ነው። አነዚህ ቡድኖች ተመሳሳይ ዓላማና ግብ አንዳሚኖሯቸው ቢታውቅም የተዋሃደ አንድ ማህበር ከሚፈጥሩ ይልቅ መነሻ መሰርት የሆናቸውን ስብስብ ሳያፈርሱ በጋራ የሚንቀሳቀሱበት መድረክ በማዘጋጀት ወደ ሚፈልጉት ግብ በፍጥነት ለመጓዝ እንዲችሉ ዕድል ይፈጥራል።

በውጭ ሃገራት የሚኖሩ ትውልደ አማራዎች የሚቀራረብ ስሜት ያላቸው አነስተኛ ቁጥሮችን የያዘ አባላት ወይንም ደጋፊዎችን በማሰባሰብ ሲንቀሳቀሱ ይስተዋላል። እነዚህ ስብስቦች አንዳንዴ የጥላ ማህበርነት ሚናን ለመጫወት ቢችሉም በያንዳዳቸው ስር ተመዝግቦ የሚቆይ በመቶዎች የሚበልጥ መደበኛ አባላት ስለማይኖሯቸው ከሶሻል ሜድያ ውጭ ማህበረሰብ አቀፍ የተጽዕኖ ጥንካሬያቸው በዚያው ልክ ውሱን ነው።

በውጭ ሃገራት የሚንቀሳቀሱ የዐማራ ህልውና ትግል ድጋፍ ሰጪዎች ስብስቦች መካከል የሚኖር ጣምራ አሰራር ፍላጎት በተለይ በዚህ የፋኖ ተጋድሎ ወቅት እጅግ አስፈላጊነት በብዙዎች በኩል ጥያቄ አይኖረውም። ሆኖም የጣምራ አደረጃጀት ሂደትን፣ የአካባቢያዊ ቅርበት ስበትና በአሰራር ስለት ዙርያ በሰፊ ውይይት የዳበረ የጣምራ ድጋፍ ሰጪነት ፕሮግራም መዘጋጀት ይኖርበታል። ከዚህ በተጨማሪም ዐማራ ካልሆኑ የሃገራችን ማህበረሰቦች ቡድኖች ጋር ወደ አዲስ የሽግግር ምዕራፍ በሚቀርብበት በዚህ ወቅት ቀጣይ የሰላምና መረጋጋት ውጥን ሃሳቦችና ውይይት የጣምራ መድረክ ማዘጋጀት ያስፈልጋል።
ስለሆነም የካውንስሉ የጣምራ ማህበራትና ማህበረሰቦች ምክክር መድረክን በማዘጋጀትና ሂደቱን በመመዝገብ በሃገር ቤት ለሚዋቀር የሽግግር አካል ልዩነቶችን ከወዲሁ የማጥበብ ስራዎች ለማካሄድ ያስችላል። በዚህ የጣምራ ምክክር ሂደት የሚካተቱ ማህበራት ማህበረሰቦችና ልምድና ዕውቀት ያላቸው ግለሰቦችን በጥቅሉ እንደሚከተለው ለመጠቆም ይቻላል።

፩፡ የዐማራ ማህበራት የምክክር ጣምራ መድረክ

፪፡ የጣምራ ማህበረሰብ የምክክር መድረክ

፫፡ በቡድን ያልታቀፉ ኤሊቶችና አንቂዎች ምክክር መድረክ
ከላይ የተጠቀሱትን መድረኮች በተራ ለማዘጋጀት የመድረኩ ዓላማ ፣ የአጭር ጊዜ ተጠባቂ ተግባርና የመግባቢያ ሰነዶች አዘገጃጀት፣ ተጋባዥ ማህበራት የማህበረሰብ ቡድኖችና የዔሊቶች ስብሰብ መመዘኛና ከነዚህም ውስጥ ፈቃደኛ የሆኑ ተካፋዮች ዝርዝር ማዘጋጀት ያስፈልጋል።