የኮሚቴው ወቅታዊ ርዕሰ አንቀጽ

                        የአማራ ህልውና የህዝብ ግንኙነትና ተግባቦት ስራ ክፍል መግቢያ
በኢትዮጵያ ውስጥ የአማራን ህዝብ ለይቶ ለማጥቃት የተደራጁ፣ ውሳኔዎቻቸውንም በአደባባይ ያስቀመጡ በርካታ ጽንፈኛ የዘውግ ድርጅቶች ከተፈጠሩ አስርት አመታት ተቆጥረዋል። በአሁኑ ስዓት “ከአማራ ልሂቃን ጋር ሂሳብ እናወራርዳለን” ከሚለው የወያኔ መሪዎች ንግግር በሚያስንቅ መልክ “የአማራን ህዝብ እንፈጃለን፣ እናዋርዳለን” የሚል የኦሩሞማ ርዕዮት አራማጆች የስልጣን ርካብና መንበር ይዘው በመስፋፋት ላይ እንዳሉ ማወቅ ይገባል። ወያኔ ሲመቸው “የአማራ ገዥ መደብ” በማለት በሌላ ጊዜ ደግሞ “ገዥ መደብ” የሚለውን ስንኝ ቀንሶ አማሮች እያለ በአማራ ህዝብ ላይ ያነጣጠረ ጥላቻን ለትግራይ ህዝብ ሲያስተምር የነበረ ድርጅት እንደነበር እናውቃለን። 

ጽንፈኛ የኦሮሞ የዘውግ ድርጅቶች ከጠባብነትና ጥላቻ ተላቀው ለአብሮነት የሚበጅ እስተዋይነት የተመላው የሰከነ ፖለቲካ ማራመድ በስተቀር አማራጭ እንደሌለ ይረዳሉ የሚል የሚያዘናጋ አስተሳሰብ የአማራ ህልውና አደጋና ሃገራዊ ቀውስ ያስከተለውን መዘዝ ታይቷል። በመሆኑም ከቀን ወደቀን እያፈጠጠ የመጣው እውነታ የእነዚህ ጽንፈኞች ጸረ_አማራ ልክፍት እየባሰበት ከመሄድ አልፎ በአማራ ህዝብ ላይ በስፋት ጦርነት ለማወጅ በቅተዋል ። 

ከወያኔም አገዛዝ በከፋ ሁኔታ በቀጣይንነት  የአማራን ህዝብ በዘር ማንነት ከምድር ለማጥፋት ወደኋላ እንደማይሉ ወያኔ ስልጣን ይዞ በቆየባቸው 27 አመታትና ከስልጣን ከወረደ በኋላ ባለፉት አምስት አመታት ውስጥ በአማራ ህዝብ ላይ የወሰዷቸውን አሰቃቂ እርምጃዎች ከበቂ በላይ ይመሰክራል። መሬት ላይ የሚሰሩ የኦሮሞና የሌሎች ጽንፈኛ የብሄሮች ድርጅቶች ህልውናቸው በዋንኛነት የቆሙት በአማራ ጥላቻ ላይ ስለሆነ ለአማራ ህዝብ ጥላቻና ጥቃት እየደገሱ ከመኖር ውጭ አማራጭ እንዳይኖራቸው አድርጓቸዋል።

በአብይ አህመድ አገዛዝና እና በሌሎች ጽንፈኛ ሃይሎች የሚደገፉ ሁሉ አማራውን የህዝባቸው ማስፈራሪያ ጭራቅ ካላደረጉ እድሜ አይኖራቸውም። እነዚህ ሃይሎች ለአማራ ህዝብ እየደገሱለት ያለው የጥፋት ውጥን መዳረሻ ሁሌም  እያየነው የመጣነውን ይህንኑ እውነታና ሃቅ ነው።

ከላይ የተቀመጠው ትንታኔ አጥብቆ የሚያስገነዝበን የአማራና የሌሎች ን ኡስ ማህበረብ የኢትዮጵያ ዜጎች እየመጣባቸው ያለውን የህልውና ችግር በጊዜ በመረዳት የጋራ ውስጣዊ ጥንካሬን የሚፈጥር የህዝብ ግንኙነት ፕሮግራም ስራዎችን በተጠናና በተቀነባበረ ስልት ማካሄድ ይኖርባቸዋል። በአሁኑ ዘመን በነጻ ግዛት ላይ የሚንቀሳቀስ የአማራ ማህረሰብ ብልጭ ጥፍት በሚል የሶሻል ሜድያ ቅስቀሳ ክንውን በመጋረድ ሳይዘናጋ ይህ አስፈላጊና ወሳኝ ተግባር በፋይናንስና በባለሙያዎች በሚገባ ያደራጀ የአማራ የህልውና ተግባቦት ተቋማዊ አሰራርን መመስረት ይኖርበታል።