የማህበራዊ ኢኮኖሚ ቀውስ ቁጥጥር የስራ ዘርፍ መግቢያ
በአማራው ህብረተሰብ ታሪክ ታይቶ በማይታወቅ ደረጃ ካለፉት አምስት አመታቶቾ ጀምሮ የመኖር ዋስትናው ተገፎ ለዘመናት ከሚኖርበት አካባቢ ተፈናቅሎ ለሰው ሰራሽ ሰብዓዊና ማህበራዊ ቀውስ በመጋለጡ እጅግ ግዙፍ የሆነ የማህበራዊ ኢኮኖሚ ቀውስ መናኸሪያ ሆኗል። ከላይ በተጠቀሰው የፖለቲካዊ ቀውስ ምክንያት በሚሊዮን የሚቆጠሩ የአማራ ማህበረሰብ ክፍል በአሁኑ ስዓት በቂ ምግብና ተገቢ መጠለያ በሌለበት በመጠለያ ካምፕ ሁኔታ ውስጥ የታገቱ ህጻናትና አዛውንት፣ ለረሃብ ለዕእርዛትና ለበሽታ ተጠቂ በመሆን ህይወታቸውን በሰቆቃ ለረጅም ዓመታት በታቀደ መልኩ እንዲኖሩ ተደርገዋል።
አማራው በብዛት የሚኖርበትን አካባቢ የተከታታይ የጦርነትና የግጭት ቀጠና ሆኖ በመቆየቱ የግብርና መስተጓጐል ችግሮችና የመሰረተ ልማት ውድመቶች በሚሊዮን የሚቆጠሩ ተጨማሪ የገበሬና የከተማ ነዋሪዎች ለቀጣይ ዓመታት ሰፊ የሆነ ማህበራዊ ጉስቁልናና የረሃብ ተጋላጭነትና አንደሚያስተናግዱ ጥርጥር የለውም። ስለዚህ በአማራው ላይ ለረጅም ጊዜያት የሚቀጥሉ የማህበራዊ ኢኮኖሚ ቀውሶች በዋነኛነት ተጠቂ የሆኑትን ህጻናት፣ ሴቶችንና አቅመ ደካማ አዛውንቶችን ለመደገፍ የመረዳጃ ድጋፍን ከወዲሁ በጥልቀት ማጥናትና የመፍትሄ እርምጃዎችን በመከታትል በተለይ በውጭ ሃገር የሚኖሩ ሰብዓዊነት ያላቸዉ ወገኖች ሁሉ ሃላፊነት መሆኑ አይቀሬ ነዉ።
አማራዎች፥ ለዘመናት ከኖሩበት ሰፈርና ከተማወች ሳይወዱ በግድ ተፈናቅለው በሚሊዮኖች የሚቆጠሩ አማራዎች በጊዜአዊ መጠላያ ካምፕ ተገቢ እንክብካቤ ባልተሟላበት ሁናቴ ላይ በአማራ ክልል ይገኛሉ። ሆኖም ግን ህዝብ የሚያግዙ በርካታ የረድዔት ድርጅቶች እንቅስቃሴ አሁን በሚካሄደው ጦርነት ምክንያት በአብዛኛው እንደሚስተጓጎል የሚታወቅ ሲሆን ሁኔታውን ለመከታተል በቂ የወረዳ ተቆርቋሪዎች መዋቅሮች የሉም። በተጨማሪም በክልሉ በቅርብ ዓመታት ውስጥ የተካሄዱና በአሁናዊ ጦርነቶች በርካታ ቤተሰቦችን ያለ አባወራ ማስቀረቱ የሚታወቅ እንደመሆኑ መጠን የነዚህ ቤተሰቦች አባላት ለጊዜው በየወረዳው በሚዘረጉ የሴፍቲ ፕሮግራሞች መታቀፍና ለረጅም ጊዜ የማቋቋሚያ መርሃግብር መደገፍ ይኖርባቸዋል።
በሀገሪቱ ውስጥ ባለው የፖለቲካ ባህል ምክንያት እነዚህ ወገኖች ባብዛኛው በቀላሉ ወደ ጎን እንዳይረሱ እንዲሁም ቋሚ የባላደራ ቦርድ አሰራር ዝግጅት ያስፈልጋል። በእጅጉ ግዙፍ የተፈናቃይ ቁጥር ውስጥ የሚኖሩ እናቶችና እንዲሁም አረጋውያን ያለበቂ ድጋፍ ለበርካታ ዓመታት መቆየት የተስፋ ማጣት አኗኗር ሁኔታን ለመቀነስና በዚህ ቀውስ ውስጥ የሚያድጉ ህጻናት አካላዊና አእምሮአዊ ዕድገት፣ የስነልቦና ተጠቂነትን ለመቀነስ ከአስር ዓምት ያላነሰ የማስተር ፕላን ፕሮግራም ዝግጅት በውጭ ሃገር ያሉ የአማራ ተቆርቋሪዎች በስፋት ለማሰማራት ተገቢና ወቅታዊ የወገን ጥሪን ማስተጋባት ይኖርብናል። ከላይ የተጠቀሰውን የባላደራ ተቋም መሰረት ሃሳብን በመመርኮዝ የማህበራዊ ኢኮኖሚ ቀውስ ቁጥጥር ተግባር ላይ መሰማራት በሃገር ውስጥና በውጭ ያሉ አቅማቸው የፈቀደላቸው ግለሰቦችና ድርጅቶች ሁሉ በጋራና በቅንጅት እንዲንቀሳቀሱ የህሊና ዕዳ አለባቸው።
